منتدى الحناوى دوت نت

منتدى الحناوى دوت نت لتحميل احدث الافلام العربي و الاجنبي و تحميل احلي الاغاني و الكليبات و احدث الالعاب و البرامج الكاملة.
 
الرئيسيةمنتدى الحناوىالتسجيلدخول

شاطر | 
 

 عارفين الشعور ده

اذهب الى الأسفل 
كاتب الموضوعرسالة
Mora
نائب المدير
نائب المدير
avatar

عدد الرسائل : 118
العمر : 27
نقاط : 178
تاريخ التسجيل : 13/03/2009

مُساهمةموضوع: عارفين الشعور ده   الخميس 05 أغسطس 2010, 10:26 am

عارفينه الشعور ده ....... ؟؟؟؟





عارفيينه الشعور ده ......... ؟


عارف
لما تفتكر حاجه كده
تحس انها بتشدك لذكريات
انت مش عارف ايه الذكريات دى
بس بتشدك لحاجه كده
حاجه انت مش عارفها
وساعتها تحس شعور غريب كده
حزن مع الم مع حبة فرح


عارفينه الشعور ده ....... ؟


طب عارف
لما تسمع اغنيه كده
تلاقى نفسك بتبتسم من غير سبب
بس جواك حاسس حزين اوى
وتلاقى شعور بدأ يدخل اكتر جواك
انت مش فاهمه وبتحاول تفهمه
بس فى الاخر متفهموش


عارفينه الشعور ده ...... ؟


طيب عارف
لما تروح تقف على البحر كده
وتاخد نفس عميق
بعديها تلاقى نفسك بتبتسم
بس جواك حاجه مش قادره تخرج
حاجه يمكن بتقطعك من جوه
ومش عارف تتخلص منها


عارفينه الشعور ده ..... ؟


طيب عارف
لما تبقى لسه صاحى من النوم
واليوم لسه مبداش اهو
وتلاقى نفسك على السرير
وغصب عنك تنزل دمعتك
وممكن تفضل تعيط ساعتين بعدها
علي المخده اللى بتحس بيك كل يوم
ايوا اللي بتحس بيك كل يوم قبل متنام
وبعدها تقوم من على السرير
ومحدش يعرف اي حاجه


عارفين الشعور ده ....... ؟


طيب عارفيين
لما تكونوا اصحاب متجمعين فى يوم كده
وكلكوا مهيسين و بتضحكوا
واللى يشوفكوا من بعيد لبعيد
يقول الناس دى رايقه وحياتها تمام اوى
وانتوا اصلا بتضحكوا بس جواكوا مش قادريين وعايزيين تعيطوا
بس محدش حاسس بحاجه ومحدش فاهم حاجه


عارفينه الشعور ده ..... ؟


طيب عارفين
لما تحس انك عايز مساعده من اى حد
اى انسان .. اى مخلوق
تحس انك بتغرق
بتغرق فى ايه مش عارف
بس انت محتاج مساعده
محتاج حد ينجدك
مش عارف هتطلبها من مين
وحتى لو طلبت مساعده
هتتقوله ايه
عايزك تساعدنى و خلاص
هيرد و يقولك اساعدك فى ايه
تقوله حاسس انى بغرق الحقنى
هيقولك بتغرق فى ايه
انت مش عارف
وتفضل تغرق و مش لاقى مساعده
عارفيين الشعور ده ..... ؟


طيب عارفين
لما تكون عايز تسمع كلمه معينه مش شخص معين
كلمه ممكن تكون من حرفين بس
ومش صعب عليه يقولها
وتلاقيه ولا بيتكلم
تحس انه بقي تمثال
ما تتكلم بقى
طيب ماهو انا شايفاك بتقولها مليون مره
شايفها فى عينيك وحاسسها اوى
بس عايز تسمعها بقى
قوووووول
اتكلم
ولما يتكلم
تحس انه بيشفق عليك
طيب لما انت كده
حسستنى بيها من الاول ليه
وبتعيشنى فى الشعور ده ليه
ليه من الاول ولو للحظات
عارفيينه الشعور ده ...... ؟


طيب عارف
لما تبقى عايز تسمع صوت حد اوى واحشك اوى
عايز تسمع صوته تطمن عليه وتفضل مستنى
و مستنى ..... ومستنى
وفى الاخر ميتصلش
لا وبعدين يتصل حد تانى
تقول اخيرا اهو
ترد بلهفة وتسمع صوت حد تانى
ومش ده اللى كنت مستنيه
عارفيينه الشعور ده ....... ؟
الرجوع الى أعلى الصفحة اذهب الى الأسفل
عبدالرحمن علام
عضو جديد
عضو جديد
avatar

عدد الرسائل : 23
العمر : 25
نقاط : 33
تاريخ التسجيل : 04/08/2010

مُساهمةموضوع: رد: عارفين الشعور ده   السبت 07 أغسطس 2010, 10:46 am

جميل اوووووووووى

بس اصعب حاجة انك بتكون بتتضحك مع اصحابك وانت من جواك حزين ومحدش حاسس بحاجة

تسلم ياغالى الموضوع جميل اوى
الرجوع الى أعلى الصفحة اذهب الى الأسفل
 
عارفين الشعور ده
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الحناوى دوت نت  :: منتدى عام :: كلام فى الحب-
انتقل الى: